КФУ профессоры "Әбиләр чуагы" булачак диде

Переведенцев билгеләп үткәнчә, сентябрь яңгырлы һәм салкын булды. Тәүлеклек уртача температура 9 градус тирәсе иде.
 

Синоптиклар бу көннәрдә яңгырлар явасын алдан әйткән иде инде, температура 10-15 градустан да күтәрелмәячәк.

Эксперт сүзләренчә, яңгырлар киләсе атна башында туктаячак — Татарстанга антициклон килә. Шул ук вакытта температура климатик нормадан артмый. Киләсе атна уртасыннан «Әбиләр чуагы» башлана, әллә ни кызу булмаячак.

"Алтын чор кыска вакытлы, дүрт-биш көн дәвам итәчәк. Явым-төшемсез кояшлы һава торышы көтелә», - дип белдерде Переведенцев. Аның сүзләренә караганда,  һава температурасы көндез +10-12 градус һәм төнлә +3 градус булачак.