Әгәр дә белгечләр фикеренә колак салсак, алар иң элек дөгегә өстенлек бирәләр. Чыннан да, аны Азия илләренең күпчелегендә бик күптәннән бирле төп туклану ризыгы буларак кулланалар. Статистикадан күренгәнчә, Рәсәй халкы елга җан башына уртача дүрт кило дөге ашый. Әлбәттә, үзебезнеке генә җитми. Кибетләрдә, базарларда сатыла торган дөгенең яртысы Краснодар краенда үстерелгән. Калганы Таиланд, һиндстан һәм Кытайдан кайта.
