Файдалы мәгълүмат
Сыйфатлы майонез сайлыйбыз
Алда безне Яңа ел бәйрәме көтә. Уңган хуҗабикәләр төрле салатлар ясаячак. Аларны ясаганда күпләр майонез сала. Ә сыйфатлы майонез нинди була?
- Магазиннарда майонезның ниндие генә юк! Аны сатып алганда түбәндәгеләргә игътибар итегез: «чын» майонез алыгыз. Ул югары калорияле, майлы, кыйммәтле була. Үсемлек мае кимендә 67 процент булырга тиеш. Майонезның тышында ГОСТ билгесе булуы шарт.
- Составында иң башта үсемлек мае, йомырка сарысы (яхшы майонез йомырка сарысыннан яисә оныннан ясала) күрсәтелсә, димәк ул — чын майонез.
- Шулай ук сыйфатлы майонезга горчица оны кушыла. Ясалмасы хуш исле горчица белән генә була.
- Майонез катлы сымак күренсә, аңа су күп кушылган, мае аз.
- Тагы шунысы: майонез күкселләнә башласа, крахмалы күп, дигән сүз. Андыйны кулланмагыз.
Следите за самым важным и интересным в Telegram-каналеТатмедиа
Нет комментариев