Студентларга язын мотоциклда куркынычсыз идарә итү кагыйдәләрен аңлатылды
Актаныш районы Дәүләт автоинспекциясе хезмәткәрләре технология техникумы студентлары белән профилактик очрашу үткәрделәр. Мотосезон алдыннан оештырылган чара мотоцикллар белән идарә иткәндә куркынычсызлык кагыйдәләренә һәм яшьләрнең актуаль сорауларына җавапларга багышланган иде.
ЮХИДИ инспекторлары Артур Фәүзит улы Җиһаншин һәм балигъ булмаганнар эшләре һәм җәмәгать тәртибе буенча секторның әйдәүче белгече Айзат Тәлгать улы Муллаяров, шулай ук район буенча Юл хәрәкәте иминлеге ДБУ җитәкчесе Ләйсән Мөхәммәтова мотоциклчылар өчен юл йөрү кагыйдәләрен җентекләп аңлаттылар. Язгы куркыныч очракларына аерым басым ясалды: яңгырлар аркасында күз күреме мөмкинлегенең начараюы, бозлавык, шулай ук кышкы тәнәфестән соң тәҗрибәсез машина йөртүчеләр саны арту сәбәпле сак булу сорала.
Студентларны тизлек режимын бозу, шлемсыз йөрү һәм светофор сигналларын игътибарсыз калдыруның нинди аяныч хәлләргә китерергә мөмкин икәнлеге турында кисәттеләр. „Җылы көннәрдә "узышчылар" барлыкка килә, алар үз гомерләрен генә түгел, тирә-юньдәгеләрне дә куркыныч астына куялар. Хокук бозучыларга карата штрафлардан алып хокукларыннан мәхрүм итүгә кадәр каты җәза бирелә», — диде үз чыгышында Артур Җиһаншин.
Мондый очрашулар — аварияләрне киметүгә мөһим адым. Оештыручылар билгеләп үткәнчә, кагыйдәләрне белү һәм хәрәкәттә катнашучыларга хөрмәт яшь йөртүчеләргә фаҗигаләрдән качарга ярдәм итәчәк. "Мотоцикл-уенчык түгел. Руль артына утырганчы, нәтиҗәләре турында уйлагыз", - дип мөрәҗәгать иттеләр ЮХИДИ хезмәткәрләре аудиториягә.
Дәүләт автоинспекциясе барлык йөртүчеләрне юл йөрү кагыйдәләрен үтәргә чакыра һәм юлдагы куркынычсызлыкның һәркемгә бәйле икәнен искә төшерә.
Следите за самым важным и интересным в Telegram-каналеТатмедиа
Нет комментариев