Актаныш мәктәпләренең кайбер сыйныфларында укыту туктатылды- карантин!

                 Балаларның кискен респиратор вируслы һәм үпкә ялкынсынуы авырулары белән соңгы вакытта ешрак авырый башлавы турында язган идек инде http://aktanysh-rt.ru/news/zdravookhranenie/avyru-balalar-arasynda-ki-tarala-igtibarly-bulygyz. 

                Мәктәпләрдә авыручы балаларның күбәюе аркасында аерым сыйныфлар карантинга ябыла башлады. Әгәр сыйныфтагы укучыларның 20 проценттан артыгы чирли икән, укулар бер атнага туктатыла. 

             Актанышның беренче санлы мәктәбендә 164, икенче санлы мәктәптә - 154, сәләтле балалар өчен гуманитар гимназия-интернатта 90ннан артык бала уку йортына авыру сәбәпле килмәгән. Укытучылар арасында да больничныйга чыгучылар шактый.