БЕЗГӘ СӘЛӘТЛЕЛӘР ИЛЕННӘН ЯЗАЛАР: Актаныш укучылары ” Бөтенроссия һәм Республикакүләм җиңүләргә ирешәләр

1 ноябрьдә КФУ кысаларында уздырылган Л.Н. Толстой исемендәге II Бөтенроссия  фәнни  конкурс-конференциясендә сәләтле балалар өчен гуманитар гимназия-интернатның  11 сыйныф укучылары Сөмбел Газизова (җитәкчесе Фәрдиева Регина Равил кызы) һәм Мәрьям Хисматова (җитәкчесе Гарипов Рамил Марат улы) – 1 урын, “Рус теле” секциясендә 11 сыйныф укучылары Шагзамова Алисә һәм Ахматхузина Альбина (җитәкчеләре Шагзамова Энҗе Фирдәвис кызы)  – 3нче дәрәҗәдәге диплом, 8 сыйныф укучысы Нәфисә Вәлиева (җитәкчесе – Шагзамова Энҗе Фирдәвис кызы)  3 урынга лаек булдылар. Укучыларны һәм остазларын җиңүләре белән котлыйбыз!

1 ноябрь көнне Менделевск  шәһәрендә “Кулланучылар хокукларын яклау” республикакүләм олимпиадасының финал өлеше булып үтте.  11нче сыйныф укучылары  Нуртдинов Данир – җиңүче, Нуртдинов Дамир – призер (җитәкчеләре  Абдуллина Миләүшә Мәгъсүмовна). Котлыйбыз!