1 апрель Кошлар көне билгеләнә.

Кара каргалар ояга утырса, өч атнадан чәчүгә чыгарга кирәк.
Тартай күп булса, печән күп булыр.
Торна кар барында килсә, тары, борчак уңар.
Әгәр карга ябыгып килсә, ашлык уңар.
Кыр казлары яз көне биектән очсалар, сабан ашлыгы бик уңар, түбәнт очсалар, ашлык гадәттәгечә булыр.
Тургай килгәч — тугыз көнлек, сыерчык килгәч сигез көнлек кар кала.
Чыпчыклар агач очына кунсалар — көн салкын була, түбән ботакларга кунсалар — җил чыга.
Һава начар буласы булса, күгәрченнәр бик гөрләшә.
Карлыгач иртә килсә, көннәр тиз матурланыр.
Апрель аенда торна кычкырса, ел яхшы килә.