Ата-бабам мирасы - безнең заман чанасы (+ФОТОМИЗГЕЛЛӘР)

автор, 3 март 2017 - 05:36

1484

2017 ел - парклар һәм скверлар елы дәвамы буларак, экология һәм иҗтимагый киңлекләр елы, Актаныш районында "Кече Ватан елы", дип игълан ителде. Ә март ае гүзәллек ае, дип игълан ителгән иде. Шул уңайдан, 2 март көнне үзәк китапханә каршында оештырылган "Туган тел", "Өмет" , Илһамият", "Учак" клублары киңәйтелгән ачык дәрес...

Ата-бабам мирасы - безнең заман чанасы (+ФОТОМИЗГЕЛЛӘР)

Шул уңайдан, 2 март көнне үзәк китапханә каршында оештырылган "Туган тел", "Өмет" , Илһамият", "Учак" клублары киңәйтелгән ачык дәрес итеп "Чана " бәйрәме уздырды.

Конкурс-бәйрәмдә барлыгы 80 кеше катнашты. 110 төрле эш каралды. Галимова Римма (Актаныш), Әхтәмова Айгөл (Актаныш) чаналар тарихы турында матур эчтәлекле презентацияләр эшләгәннәр иде.

Викторинада 17 кеше катнашып, сорауларга дөрес җаваплар бирергә тырышканнар. Бигрәк тә Мусина Ания (Актаныш), Шәйхелова Әминә (Актаныш), Әгъләмова Розалия (Яңа Әлем), Альбина Хәбибуллинаның (Актанышбаш) җаваплары тулы, дөрес иде.

Чана турында эчтәлекле шигырьләр чыгару номинациясендә 22 кеше иҗатын эшкә җигеп, 36 шигырь чыгарды. Бигрәк тә Актаныштан Зөһрә Митрофанова, Рәсимә Зарипова, Кадрия Әдһәмова, Хәния Вәҗиева, Хәмдия Әхмәтҗанова, Альбина Ибраһимова, Пучыдан Камалова Розалия, Пучыдан Имамова Оксананың шигырьләре эчтәлекле, тирән мәгънәгә ия иде.

"Чана" сүзе кергән әсәрләрдән иң күп өзекләр табуда 20 кеше катнашты. Шулардан Әминә Шәйхелова (Актаныш), Луиза Мөхәмәтова (Тыңламас), Салиховлар гаиләсенең (Түке) 30дан артык әсәр укыганлыгы билгеле булды. Бәйге-бәйрәмгә 60тан артык ясалган чаналар китерелде. Бу номинациядә балалар бакчасында тәрбияләнүчеләрдән башлап өлкән яшьтәгеләргә кадәр катнаштылар.

Зур чаналар арасында:

1. Иң матур чана

- Такталачык авылыннан Нуриевлар гаиләсе

- Иске Җияш авылыннан Әхмәтовлар гаиләсе

- Актаныштан Шәрипҗановлар гаиләсе

2. Иң бизәкле чана

- Киров авылыннан Камаловлар гаиләсе

- Пучы балалар бакчасыннан тәрбияче Заманова Ләйсән Газизҗан кызы

- Пучы балалар бакчасыннан тәрбияче Имамова Оксана Владимир кызы

3. Иң уңайлы чана

- Пучы балалар бакчасыннан Галина Лилия Камил кызы

- "Каенкай" балалар бакчасыннан (Актаныш) Фәрраховлар гаиләсе