Полиция бәйрәмендә алар белән тыгыз элемтәдә эшләгән коллективлар, шәхси затлар да хөрмәтләнде (+ФОТОЛАР)

Җәмәгать тәртибен саклау буенча полиция җитәкчесе урынбасары, полиция подполковнигы Фәһим Зәкәри улы Нуриев аларга бүлекнең “Рәхмәт хатлары”н тапшырды. Алар: “Игелек үзәге” коллективы, Назыйф Латыйпов, Лилия Хәлимова һәм Регина Сәлахова. 

Полиция җитәкчесе урынбасары Ирек Фәрит улы Бакиев исә сәхнәгә иң кечкенә бүләкләнүчене алып менде. Ул Мари Суксу мәктәбенең 3 сыйныф укучысы Кәрим Гарифуллин иде. Полиция хезмәткәрләренә җинаятьне ачуда ярдәм иткән Кәримгә "Рәхмәт хаты" һәм махсус бүләк тапшырылды.