"Тарихта без эзлебез-Гаилә тарихында гасырлар кайтавазы" фестиваленең төбәк этабында Гаяновлар мактаулы урын яулады

                 6 апрель көнне Тукай районы базасында "Тарихта без эзлебез-Гаилә тарихында гасырлар кайтавазы" шәҗәрә фестиваленең төбәк этабы узды. Бәйгедә республиканың 7 районыннан бик матур гаиләләр катнашып нәсел җебе белән таныштырды.

             Актаныш районын Богады авылында яшәүче Илфира һәм Илфак Гаяновлар, аларның берсеннән-берсе уңган кыз-уллары тәкъдим итте. Районыбызның мәдәният хезмәткәрләре әлеге гаиләнең бай шәҗәрәсен ачып бирүдә үзләренең саллы өлешен кертте.

                Райондашларыбыз сынатмады, мәртәбәле конкурсның жюри әгъзаларын, тамашачыларны, катнашучыларны сокландырып югары баллар туплауга иреште. Нәтиҗәләр дә сөенечле: Гаяновлар мактаулы III урынга лаек булды. II урында Тукай районыннан мәшһүр җырчы Илһам Шакировның дәвамчылары, I урында Алабугадан Эмирбековлар гаиләсе.