Актаныш театры – Минзәләдә
Минзәләгә Актаныш театры “Өйләнәм, бетте китте” спектаклен алып килде. Рәхәтләнеп ял иттек, күздән яшь чыкканчы көлдек. Театр коллективына зур рәхмәт.
Режиссеры Нур Хөсәенов Минзәлә театры артисты буларак кына түгел, ә хезмәттәшем буларак та яхшы таныш. Аның белән бергәләп “Минзәлә дулкыннары” радиосында эшләгән идек.
Шуңа уйнаганын кабат күрергә теләп, редакциядә бергә эшләгән хезмәттәшләре җыелып килдек.
Театр артистлары искиткеч уйнадылар. Альбина Хөсәенова, Нәзлия Гобәева уеннары тамашачыны, гомумән, әсир итте.
Уңышлар аларга, иҗат чишмәләре саекмасын.
Дифиза НУРИЕВА, ТАТМЕДИА АҖ “Минзәлә-информ” филиалы журналисты.
Следите за самым важным и интересным в Telegram-каналеТатмедиа
Нет комментариев