1 сентябрьдән гамәлгә кергән канун үзгәрешләре безгә кагыламы?

"Актаныш-информ" өчен Ләйсән Газизова әзерләде

222

1 сентябрьдән Россиядә яңа кагыйдәләр гамәлгә керә: гражданнар өчен нәрсәләр үзгәрәчәк?

1 сентябрьдән Россиядә финанс, хезмәт хокуклары, мәгариф, медицина һәм транспорт өлкәләрендә мөһим канун үзгәрешләре көчкә керә.

Цифрлы сум: Илнең иң зур банклары клиентларына цифрлы сум счетлары ачу, күчермәләр ясау һәм сатып алулар өчен түләү мөмкинлеген бирә. Еллык кереме 120 млн сумнан арткан эре компанияләргә кагыла (гражданнар өчен куллану ирекле кала).
Бердәм QR-код: Милли түләү карталары системасының бердәм QR-коды аша СБП яки цифрлы сум белән түләү ысулын сайларга мөмкин булачак.
Криптовалюта: Криптовалюталарны тәртипкә салу законы төстә гамәлгә керә. Физик затларга аны сатып алу өчен тест узу таләп ителә, ә квалификациясез инвесторлар өчен лимит 300 мең сум тәшкил итә. Россия эчендә товарлар өчен криптовалюта белән түләү элеккечә тыела.
Банк карталары исәбе: Банклар клиентның ничә картасы барлыгын бердәм реестр аша тикшерә башлый (2027 елның 1 сентябреннән бер кешегә максимум 20 карта лимиты кертеләчәк).

Ипотека каникуллары: Ике яки аннан да күбрәк баласы булган гаиләләр, икенче яки чираттагы бала туганда (яки уллыкка алганда), 1,5 елга кадәр ипотека каникуллары ала алачак. Кредит суммасы 15 млн сумнан артмаска, ә торак бердәнбер булырга тиеш. Керем азаюын раслау таләп ителми.

Телефоннарны тыю: Укучыларга дәрес вакытында кәрәзле телефоннардан файдалану тыела (гадәттән тыш хәлләр һәм тормышка куркыныч янаганда гына рөхсәт ителә).
Өй эшләре: Беренче сыйныф укучылары өй эшләресез укыячак.
Тәртип өчен баллар: 2–8 сыйныфларда укучыларның тәртибен бәяләү пилот проекты башлана: «рөхсәт ителгән» һәм «рөхсәт ителмәгән» шкаласы кулланылачак.

Нормадан тыш эш: Еллык нормадан тыш эш сәгатьләренең максималь күләме 120дән 240 сәгатькә кадәр арта (бер беренче 120 сәгать — 1,5 тапкыр, калганы — 2 тапкыр күбрәк түләнә).
Сынау срогы: 3 яшькә кадәр баласы булган хатын-кызларга эшкә урнашканда сынау срогы билгеләү тыела (элек бу кагыйдә 1,5 яшькә кадәр иде).

МРТ узу: МРТ тикшеренүен хәзер табиб юлламасысыз да узарга мөмкин (башка рентген тикшеренүләре элеккечә юллама буенча кала).
Кәрәзле элемтә: Башка регионга күчкәндә мобильный телефон номерын саклап калырга һәм яңа регион тарифына күчәргә мөмкин булачак.
Күчмә аптекалар: Авыл җирлекләрендә стационар даруханәләр булмаган очракта күчмә аптекалар пилот проекты башлана (алар аша наркотик һәм психотроп препаратлар сату тыела).

Җәмәгать транспорты тукталышлары: Тукталышларда сигаретлар һәм вейплар сату тыела (әгәр ул тукталыштагы кибет торак пунктта бердәнбер сату нөктәсе булмаса).
Азартлы уеннардан самозапрет: Гражданнар «Госуслуги» порталы аша азартлы уеннарга һәм ставкаларга минималь 12 айга самозапрет куя алачак.
Чит илдәге мөлкәтне арестлау: Россия мәнфәгатьләренә каршы хокук бозулар буенча чит илдә яшәүче гражданнарның счетларына һәм мөлкәтенә арест салу нигезләре киңәйтелә.