Эмоцияләрегезгә юл куегыз: йолдызнамә (23-30 июнь)

Кучкар (21 март — 20 апрель) Сезне онытмасыннар дисәгез, сезгә битараф булмаган кешеләрне үзегез дә онытмагыз. Тәмле сүз песи баласына да ошый, адәм баласы турында әйтеп тә торасы юк.

Үгезбозау (21 апрель — 20 май) Хезмәткәрләр белән аралашуда проблемалар барлыкка килергә мөмкин. Алардан артык күпне таләп итмәгез. Сезгә бик нык уйлап эш итәргә кирәк.

Игезәкләр (21 май — 21 июнь) Беркемгә дә үзегезнең йомшак якларыгызны күрсәтмәскә тырышыгыз. Моның белән ямьсез файдаланырга мөмкиннәр.

Кысла (22 июнь — 22 июль) Сезгә үзара аңлашу мәсьәләсенә игътибарлырак булырга кирәк. Әңгәмәдәшегезнең сезне никадәр яхшы аңлавына күп нәрсә бәйле.

Арыслан (23 июль — 23 август) Югары акыллы сөйләшүләр белән артык мавыгасыз бугай. Анда файдалы мәгълүмат та бар. Тик яңалыклар белән гайбәтләрне бутамагыз.

Кыз (24 август — 23 сентябрь) Кемгәдер ашыгыч рәвештә нәкъ менә сезнең ярдәмегез кирәк булачак. Бу тулы бер көнне алырга мөмкин, ләкин баш тартырга кирәкми, аңа чыннан да сез генә ярдәм итә аласыз.

Үлчәү (24 сентябрь — 23 октябрь) Сезгә әйләнә-тирәдәгеләрнең игътибары һәм ярдәме кирәк. Тик нишләптер сез үзегезне бу хөрмәткә лаеклы түгел дип уйлыйсыз. Ләкин юкка, сез боларның барысына да лаек.

Чаян (24 октябрь — 22 ноябрь) Сезгә бары тик үз хаклыгыгызга тулысынча ышанган очракта гына эш итәргә кирәк. Югыйсә, сезне шик-шөбһәләр борчыячак.

Укчы ( 23 ноябрь — 21 декабрь) Сезне катнаш хисләр биләп алыр сыман. Сезнең бер үк вакытта елыйсыгыз да, көләсегез дә килер. Хисләр ташкынына каршы килмәгез, эмоцияләрегезгә юл куегыз.

Кәҗәмөгез (22 декабрь — 20 гыйнвар) Үҗәтлек — яхшы сыйфат, ләкин мәхәббәт мәсьәләсендә аны бик чикләнгән микъдарда кулланырга кирәк, бигрәк тә шимбә көнне.

Сукояр (21 гыйнвар — 18 февраль) Үз өстегезгә зур җаваплылык алу ләззәт бирә. Хезмәтегез авыр булса да, канәгатьлек хисе бирә, чөнки сез аны ахыргача үзегез теләгәнчә эшләп бетерә алырсыз.

Балык (19 февраль — 20 март) Һәр бала мактауга, җылы сүзгә мохтаҗ, аңа вакыт-вакыт үзенең никадәр яхшы булуын әйтеп торырга кирәк. Бу сезнең үз эчегездә яшәгән балага да кагыла.

Чыганак