Актаныш

МОГҖИЗАЛЫ ТАБЫН:Катлама пешерү серләренә төшенәбез

Райондашыбыз - Гөлчәчәк Мусина катлама әзерләргә өйрәтә. Ял көннәрендә якыннарыбызга пешерик әле!

Камыр өчен кирәк:
0.5 стакан сөт;
2 йомырка;
5 олы кашык сыек май;
0.5 чәй кашыгы тоз.

                               Камырны басырга. Соңнан 20 минут ял иттерергә. Токмач камыры кебек калынлыкта җәяргә. 
Фаршка тоз, борыч салырга, йомшак булып җиңел җәелсен өчен сөт яки шулпа салып болгатырга.

                               Камыр өстенә тигез итеп фаршны ягарга. Фарш өстенә кишер белән суган кыздырып салырга да, рулет итеп төрергә. Рулетның шулпасы агып чыкмасын өчен баш-башларын чеметеп куябыз.
Катламаны мантый савытында, парда 40-50 минут пешерергә. 
                               Әзер катламаны  майлап табынга чыгарырга.
Табыннарыбыз мул һәм чын-чыннан могҗизалы, ашларыбыз тәмле булсын!

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: