Актанышта спартакиадада катнашучылар: Спорт яшәргә дәрт, көч бирә!
«Теплосервис»та эшләүче Илфар Нуриәхмәтов Актаныш районы хезмәт ияләре спартакиадасын ел саен көтеп ала. Бу юлы да тырышып, әзерләнеп көчен сынарга килгән.
Актанышның «Батыр» спорт комплексында берничә төрдәге спорт бәйгеләре районыбызның иң көчлеләрен ачыклаячак. «Теплосервис» ҖЧҖ эшләүче Илфар Нуриәхмәтов кышкы спартакиаданы көтеп ала. Чөнки көч сынашырлыгы бар. Ул элек-электән спорт белән ныклап шөгыльләнә. Имаметдин Билалетдинов РТСны җитәкләгән вакытта хәзерге «Иман» спорт сараен төзетә. 1983 елда спорт бинасы ачылу белән Илфар әфәнде бик күп райондашлар белән спортка тартыла, гер күтәрү буенча ныклы күнекмәләр ала. Бүген дә яшьләрдән калышмыйча, һәр кулы белән 24 килограммлы герне 30 тапкыр күтәрде ул.
- Гер күтәрүдән тыш, кул көрәштерүдә дә катнашам. Яшем 50дән үтсә дә әле бирешергә исәп юк. Ләкин спортны ташларга җыенмыйм, ул миңа яшәргә дәрт, көч бирә,- ди Илфар.
Следите за самым важным и интересным в Telegram-каналеТатмедиа
Нет комментариев