Актанышта кышкы спартакиадага 1 декабрьдә үк старт бирелде

Бүген Актанышта оешма-предприятие, авыл җирлекләре һәм мәгариф учреждениеләре арасында кышкы спартакиада  уза. Башкарма комитетның спорт һәм туризм бүлеге җитәкчесе Айгиз Мәгъдәнов кышкы спартакиадага кышның беренче көне- 1 декабрьдән үк старт бирелүен әйтте. Иң элек барлык командалар арасында волейбол ярышлары узды. Яңа елдан соң өстәл теннисы, бадминтон уеннарында иң көчлеләр ачыкланды. Бүген исә  катнашучылар чаңгы ярышлары, кул көрәше, гер күтәрү, аркан тартышу, тартылу, шорт-трек һәм йөзүдә узыша.

Ярышлар бик кызу темп белән бара. Сабантуйларда, башка спорт чараларында катнашып чарланган ир-егетләр, хатын-кызлар җиңү серләрен күптән белсәләр дә, көндәшләре дә төшеп калганнардан түгел.