ГОРУРЛЫК: Көрәш буенча Татарстан чемпионатында Актаныш егете “призлы өчлек”кә керде

23-24  ноябрь көннәрендә Казанның "Ак Барс" көрәш сараенда көрәш буенча Татарстанның иң оста көрәшчеләрен ачыкладылар. Татарстан чемпионаты ярышларында келәм батырлары  10 үлчәү авырлыгында бил алышты.

Турнирда 45 командадан 367 көрәшче сыналды, алар арасында Илфир Әнвәров җитәкчелегендә 10 Актаныш егете дә бар иде.  Район башкарма комитетының инфраструктур үсеш буенча бүлек җитәкчесе – Татар Суыксуы авылы егете Азат Габдерәшитов (тренеры Раил Сираев) 80 килограммлы үлчәү авырлыгында бил алышып, өченче урын яулады!
 

чыганак: aktanysh.tatarstan.ru/tat