СПОРТ: Марсель Гыйлаев истәлегенә көрәш турниры батырларны билгеләде (ИСЕМЛЕК)

6 октябрь  көнне “Актаныш”  спорткомплексының зур залы көрәш мәйданына әверелде. Биредә Актанышның данлыклы, олпат көрәшчесе Марсель Гыйлаев истәлегенә  көрәш турниры узды. Бу көнне 120дән артык яшь көрәшче Марсель абый Гыйлаев исемен  көрәш келәменә  алып керде.

Шактый вакытка сузылган көрәш турниры үз батырларын билгеләде. Ярышка  команда тәкъдим иткән командалар арасында урыннар аерым чыгарылды. 

Төп гомуми белем бирү мәктәпләре арасында дәрәҗәле беренче урынга Иске Богады мәктәбе көрәшчеләре лаек булды. Икенче урында – Тат.Ямалы, өченче урында Яңа Әлем мәктәбе командасы. 

Урта мәктәпләр арасында беренчелекне Актанышның  беренче санлы мәктәбе яулады. Икенче урында – кадетлылар, өченче урында Пучы мәктәбе көрәшчеләре.