Актаныш

Халыкара гаилә көне уңаеннан Актанышта берьюлы ике нарасый теркәлде (+ФОТОМИЗГЕЛЛӘР)

Алсу һәм Азат Шәрәфуллиннар, Рушания һәм Илнур Мөхәммәтовларга елмайды мондый олы бәхет.

Районыбызның ике гаиләсе өчен 15 май - Халыкара гаилә көне  - икеләтә бәйрәмгә әверелде. Бу көнне әлеге гаилә башлыклары тәүге тапкыр үз нарасыйларын кулларына алдылар. Алсу һәм Азат Шәрәфуллиннар, Рушания һәм Илнур Мөхәммәтовларга  елмайды мондый олы бәхет. Әлеге гаиләләрдә туган нарасыйлар районыбызның быелгы тарих битләренә илленче һәм илле беренче балалар буларак язылды. 

Шәрәфуллиннар гаиләсендә туган Айгиз атлы малай гаиләдә мәхәббәт җимешенең икенчесе булса, Мөхәммәтовлар гаиләсенә инде ләкләк өченче тапкыр килгән. Зиннәт исемле нәни егет гаиләдә өченче бала булып теркәлде.


Район ЗАГС бүлеге житәкчесе Гөлфинә Баян кызы Мөхәмәдиева яшь парларны нәниләре туу вакыйгасы уңаеннан котлап, чын күңелдән аларга тигезлек, балаларын сау-сәламәт, бәхетле итеп үстерүләрен теләде, аларга ТР президенты Рөстәм Миңнехановның котлау хатын тапшырды.


Сүз уңаеннан, быел районда барлыгы 77 сабый дөньяга килгән, шуларның 51е – Актаныш үзәгендә теркәлгән. 2018 елда исә Актанышта беренчеләрдән булып Илзилә исемле кызчык туган иде. 


PS: Язманы автор һәм редакция рөхсәтеннән башка сайтларга һәм башка басмаларга күчереп алу тыела.
 

Реклама
Нравится
Поделиться:
Комментарии (0)
Реклама
  • 18 май 2018 - 10:08
    Хәбәрләр 17.05.2018
  • 17 май 2018 - 08:32
    Хәбәрләр 15.05.2018
  • Актанышта Гамил Афзал исемендәге төбәкара иҗат фестивале үз җиңүчеләрен билгеләде
  • “ДИНАМО”ГА – 95 ЯШЬ: Актанышта “Динамо”ның юбилей турниры үтте
  • Актаныштагы Җиңү көнендә республикабызның “алтын тавышы” чыгыш ясады
  • Актаныштагы Җиңү парадында атлар да катнашты
  • Актанышның Җиңү паркында һәйкәлләргә чәчәкләр салдылар
  • Актаныш быел да "Үлемсез полк" россиякүләм акциясенә кушылды
  • Актаныш районының 4 ветеранына ТРның "Фидакарь хезмәте өчен" медале тапшырылды
  • Актаныш районы 73нче җиңү язын каршы алды
  • Актанышта көчле дзюдочылар үсә
  • ЧИШМӘ ХАЛКЫ АВЫЛ КӨНЕН БӘЙРӘМ ИТТЕ: Бер очрашу - үзе бер гомер
Ночной режим