КЫШКЫ СПАРТАКИАДА ҮЗ ҖИҢҮЧЕЛӘРЕН АТАДЫ: Балалар-яшүсмерләр спорт мәктәбе, Байсар авыл җирлеге , "МНКТ" оешмасы вәгъдә ителгән 100 000 сумга ия булды (БҮЛӘКЛӘҮ ФОТОМИЗГЕЛЛӘРЕ)
Бу көнне, билгеле, нәфис затларыбызга аерым игътибар һәм хөрмәт билгесе күрсәтелде. Җиңүчеләр пьедесталына күтәрелгән һәр хатын-кызга лалә чәчәкләреннән букетлар тапшырылды.
Халыкара хатын-кызлар көнендә Актанышта старт алган кышкы спартакиада көнозын үз җиңүчеләрен барлады. Район хезмәт ияләренең кышкы спартакиадасы нәтиҗәләре исә түбәндәгечә билгеләнде.
Мәгариф учреждениеләре арасында: 1 урын – Балалар-яшүсмерләр спорт мәктәбе, 2 урын - Актаныш технология техникумы, 3 урын - Актанышның 1нче мәктәбе.
Авыл җирлекләре арасында: 1 урын - Байсар авыл җирлеге, 2 урын - Иске Сәфәр авыл җирлеге, 3 урын - Яңа Әлем авыл җирлеге.
Оешмалар һәм учреждениеләр арасында: 1 урын - "МНКТ" ҖЧҖ, 2 урын-Башкарма комитет, 3 урын – район мәдәният йорты.
Һәр төрдә җиңү яулаган спортсөярләргә дипломнар тапшырылды. Бу көнне, билгеле, нәфис затларыбызга аерым игътибар һәм хөрмәт билгесе күрсәтелде. Җиңүчеләр пьедесталына күтәрелгән һәр хатын-кызга лалә чәчәкләреннән букетлар тапшырылды. Хатын-кызларыбызга мондый гүзәл бүләкләрне якташыбыз Фәрит Салихов җитәкләгән «БлагоДарение» яшь буын һәм социаль инициативаларга теләктәшлек күрсәтү хәйрия фонды әзерләгән иде.
Мәгариф оешмалары, җирлекләр, район үзәгендәге оешма-предприятиеләр арасында барган спартакиадада беренче урынга ия булучы командаларга 100 000 сумлык сертификат тапшырылды. Икенче урынга ия булучы командалар - 75 000 сумлык, өченче урын хуҗалары 50 000 сумлык бүләк сертификатлары белән хөрмәтләнде.
Актаныш районында исә спорт чаралары алга таба да дәвам итәчәк. Хакимият башлыгы бүләгенә чаңгы ярышы – аларның чираттагысы. Шулай булгач, хөрмәтле райондашлар, кар эреп беткәнче әле тагын бер тапкыр җилкенеп аласы булачак – чаңгыларыгызны еракка алып куймый торыгыз!
Следите за самым важным и интересным в Telegram-каналеТатмедиа
Нет комментариев