Дәүләт учреждениеләре һәм иҗтимагый хезмәт күрсәтү хезмәткәрләре профсоюзының Татарстан республика оешмасы рәисе Ольга Калашникова Актанышка килде
Актаныш муниципаль районы башлыгы Ленар Зарипов РФ Дәүләт учреждениеләре һәм иҗтимагый хезмәт күрсәтү хезмәткәрләре профсоюзының Татарстан республика оешмасы рәисе Ольга Калашникова белән берлектә Актаныш районы профсоюз активы конференциясендә катнашты.
Ольга Анатольевна профсоюз оешмаларының 2022 елдагы эшенә йомгак ясады, үсеш планнары һәм максатлар белән уртаклашты. Профсоюз тарафыннан оештырылган грант ярдәмнәре, конкурслар, дәүләт учреждениеләре хезмәткәрләренең һәм аларның гаилә әгъзаларының шифаханә-курортларда дәвалану мөмкинлеге турында сөйләде, шулай ук районның профсоюз активының эшен югары бәяләде.
Конференция профсоюз хәрәкәте активистларына бүләкләр тапшыру белән тәмамланды.
Актаныш районы хакимиятенең мәгълүмат үзәге
Следите за самым важным и интересным в Telegram-каналеТатмедиа
Нет комментариев