Актаныш

Татлы эчемлекләрнең бу тәэсирен белә идегезме?

АКШның Джорджия һәм Көньяк Калифорния Университетлары галимнәре эксприментлар үткәргән һәм татлы эчемлекләр куллануның көтелмәгән нәтиҗәләрен ачыклаган.

                                                           Фәнни эш нәтиҗәләренә ярашлы, составында шикәр булган эчемлекләр балаларның хәтерен начарайта һәм белем алу сәләтен киметә.

                                                           Тикшеренү барышында белгечләр кече яшьтә шикәрле су эчкән күселәрнең хәтерләре белән проблемалары булуын ачыклаган. Татлы эчемлекләр эчкән күселәрнең эчәклекләрендәге бактерияләр составы алышынган, ә бу үз чиратында ми эшчәнлегенә начар тәэсир итә.

                                                           Галимнәр тагы берничә эксперимент үткәрергә һәм сәламәт яшәү рәвеше нәтиҗәсендә шикәрле эчемлекләр куллануның кире йогынтысыннан котылып буламы икәнлеген ачыкларга планлаштыра.

                                                           Моңа кадәр Америка кардиологлар көллияте журналында фәнни эш нәтиҗәләрен бастырып чыгарганнар иде. Аңа ярашлы, популяр ясалма татландыргычлы эчемлекләр хәвефле һәм йөрәк-кан тамырлары авырулары куркынычын арттыра дип табылган. Тикшеренүдә 104 760 кеше катнашкан.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: