Актанышның шахматчылар командасы

Тасвирлама:
Актанышның шахматчылар командасы Россия, Татарстан чемпионнары, төрле дәрәҗәдәге ярышлардан һәрвакыт зур җиңүләр белән кайталар.

«Батыр» спорт мәктәбенең шахмат бүлегендә озак еллар Татарстан Республикасының атказанган спорт осталары, тренерлар Фәһим Галимов белән Илдар Имамов балаларга борынгы уен серләрен ачалар. Актаныш шахмат мәктәбе Балалар иҗат үзәгендә урнашкан. Укучыларның шахмат уйнау осталыгы елдан-ел арта. Районыбыздагы шахмат федерациясен җитәкләүче «БлагоДарение» хәйрия фонды президенты Фәрит Салихов шахмат турнирларын оештыруда һәрвакыт ярдәм итә. Әнә шул ярышларда көч сынашып, командадагы уенчылар тагы да ныгый, шомара. Россия, Татарстан бәйгеләрендә Актанышның шахмат командасы даими җиңүләр яулый.