Яңа Кормаш халкы махсус операциядәге авылдашларына акчалата ярдәм озатты
Авылым халкының бердәмлегенә, ярдәмчеллегенә торган саен сокланам мин. Шушы көннәрдә, илдә барган вәзгыятьне аңлап, хәрби операциядә катнашучы егетләребезгә акчалата ярдәм күрсәтү тәкъдиме белән чыккан авылдашыбыз фикерен халыкка җиткергәч, дәррәү күтәреп алдылар.
Читтә яшәгәннәр дә, пенсионерлар, яшьләр дә битараф булмады. Барысы дүрт көн эчендә (30.03-04.04.) 112мең сум акча җыеп, СВО да булган өч егетебез:Хабиров Ренат, Мирзагитов Рөстәм, Шаесламов Рөстәмгә җибәрелде.
Егетләр дә үз чиратында тиз арада элемтәгә чыгып, өчесе дә халыкка рәхмәтләрен җиткерделәр.
Авылым халкына әлеге гамәлләре өчен рәхмәтләребезне җиткерәсе, ә егетләребезнең исән-сау әйләнеп кайтуларын телисе килә. Дөньяларыбыз тыныч булсын иде.
Эльмира ШӘЙМӨХӘММӘТОВА, Яңа Кормаш клубу җитәкчесе
Следите за самым важным и интересным в Telegram-каналеТатмедиа
Нет комментариев