Туган якны өйрәнү музеена СВОдагы якташыбыз трофей тапшырды

Актанышның туган якны өйрәнү музеена махсус хәрби операциядән вакытлыча кыска ялга кайткан якташыбыз Илгиз Сәлимгәрәев трофей тапшырды.

Музеебызның Хәтер залы экспонатлары тагын бергә артты. Актаныштан махсус хәрби операциядән мобилизация белән китеп, вакытлыча ялга кайткан Илгиз абый Сәлимгәрәев яңа экспонатлар алып килде.

Илгиз абый 810 нчы бригадада морпех булып хезмәт итә. Махсус хәрби операция барышында, илебез тынычлыгы өчен көрәшкән якташыбыз хатирәләре белән дә уртаклашты. Егетләребезнең исән-имин кайтуын теләп калабыз, -ди туган як музее директоры Лилия Хәмидуллина.