Ләйсән ГАЗИЗОВА автор яңалыклары
-
Татарстан халкын рекордлы озын кышкы яллар көтә
Татарстан халкы, Россиянең барлык төбәкләрендә яшәүчеләр кебек үк, кышкы ялга 2025 елның 31 декабреннән 2026 елның 11 гыйнварына кадәр чыгачак. Әлеге график берьюлы мәктәп каникуллары һәм гомумдәүләт Яңа ел бәйрәмнәре өчен дә расланган.
-
Актанышның 1 нче санлы мәктәп базасында Бөтенроссия фәнни конференциясе уза
Бүген Актанышның 1 нче санлы мәктәп базасында Бөтенроссия фәнни конференциясе уза. Анда Татарстан Республикасы Фәннәр академиясе әгъзалары, төбәк тарихын өйрәнүче галимнәр һәм Актаныш районы мәктәпләренең тарих укытучылары катнаша.
-
Актаныш районында СВОда катнашучыларга ярдәм итүче иң актив волонтёрлар бүләкләнде
Актаныш районында 2025 елда махсус хәрби операциядә катнашучыларга ярдәм күрсәтү буенча волонтёрлык эшчәнлегенә йомгак ясалды. Ел дәвамында армия хезмәткәрләренә һәм аларның гаиләләренә даими ярдәм күрсәткән, гуманитар ярдәм җыюда һәм озатуда, хәйрия чаралары һәм концертлар оештыруда актив катнашкан иң фидакарь иреклеләр Рәхмәт хатлары һәм акчалата премияләр белән бүләкләнде.
-
Алдынгылар җыенында махсус хәрби операциядә һәлак булган Руслан Баяновның гаиләсенә аның «Батырлык» орденын тапшырдылар
Актаныш районының хезмәт алдынгыларын хөрмәтләү тантанасында махсус хәрби операциядә илебез азатлыгы өчен көрәшүче якташларыбызга олы рәхмәт сүзләре белдерелде. Районыбыз башлыгы Ленар Зарипов Киров авылында яшәүче Людмила һәм Наил Баяновлар гаиләсенә уллары Русланның «Батырлык» орденын тапшырды.
-
Россия Конституциясе көненә багышланган викторинада Актанышның беренче мәктәп командасы җиңде
Бүген, 12 декабрь Россия Конституциясе көне. Актанышның яшь гражданнары бүгенге истәлекле көндә «Яшьлек» яшьләр үзәгендә Ватаныбызның батырлык юлына багышланган истәлекле чарада катнашты. Тәрбияви чараны районыбызның «Яшь гвардия» берләшмәсе оештырды.
-
Махсус хәрби операциядәге батырларыбызга - халык даруханәсе
«Без бергә» хәйрия фонды махсус хәрби операциядә катнашучы солдатларыбызга ярдәм җыю эшен дәвам итә. Бу игелекле гамәлдә районыбызның һәр авылы катнаша. Әле шушы көннәрдә фондка Кыр-Каентүбә авылы халкы чираттагы ярдәмен — җәрәхәт төзәтүче шифалы мазьлар ясап китерде.
-
Бүген Актанышта «Гадел яшәргә кирәк» конкурсы җиңүчеләрен бүләкләделәр
9 декабрь- Халыкара коррупциягә каршы көрәш көне. Август аенда Актаныш районы башлыгының шушы истәлекле көн уңаеннан мәктәп укучылары арасында конкурс һәм төрле чаралар уздыру буенча карары чыккан иде. Бүген әлеге конкурсның муниципалитет буенча җиңүчеләрен хөрмәтләделәр. Актаныш районы башлыгы Ленар Зарипов укучыларны һәм аларның остазларын тәбрикләп, җиңүчеләргә дипломнар һәм кыйммәтле бүләкләр тапшырды.
-
Актанышта Ватан Геройлары көне
Ватан Геройлары көнендә Актанышта тирән эчтәлекле, тәрбияви, бик матур чаралар узды. Иң элек авылыбызның зур урамнары буенча төрле хәрби берләшмәләр һәм ветераннар оешмалары үзләренең флагларын машиналарга беркетеп автойөреш уздырды. Дистәләгән автомобильләр район үзәгендә яшәүчеләргә Ватаныбыз сагында торган һәм батырларча һәлак булган геройларны искә төшерде, аларның курку белмәс рухына дан җырлады. Геройлар көне укучылар, студентлар белән бергәләп Җиңү паркы каршындагы мәйданда митинг белән дәвам итте.
-
Татарстан халкына пенсия алды яшендә бирелә торган льготалар бар
2025 елдан башлап Татарстанда 1966–1970 елгы хатын-кызларга, 1961–1965 елгы ир-атларга- әле пенсиягә чыкмаган гражданнарга пенсия алды яше статусы автомат рәвештә биреләчәк. Әлеге статус үз эченә берничә мөһим социаль гарантия һәм льготаларны ала.
-
Ватан Геройлары: Махсус хәрби операциядә катнашучы Рәзиф Сәрвәров турында очерк
Инвалидлар декадасы кысаларында бик күп мөмкинлекләре чикле райондашларыбызның тормыш-көнкүреше белән танышып чыктык. Алар арасында махсус хәрби операциядә яраланган сугышчылар да бар. Яңа Әлем авылында яшәүче Рәзиф Сәрвәров икенче тапкыр яраланып, әлегә коляскада хәрәкәт итә. Язмабыз «Батырлык өчен», башка хәрби бүләкләр иясе Рәзиф Рәдис улы турында.
-
Актаныш районындагы егерме алтынчы «Игелек марафоны»нда 2 миллион 712 мең сум акча җыелды
Бүген, 9 декабрьдә 26 нчы тапкыр Актаныш районында изге гамәлләрне берләштерүче әһәмиятле чара — «Игелек марафоны» узды. Марафонга стартны район башлыгы Ленар Зарипов һәм Татарстан Республикасы Дәүләт Советы депутаты Альберт Хәбибуллин бирде.
-
Азат Закиров исемендәге районкүләм бию конкурсыннан безнең репортаж
Бүген, 8 декабрьдә, районның Әлфия Авзалова исемендәге Мәдәният сараенда Азат Закиров исемендәге район бию конкурсында җиңүчеләрне бүләкләү тантанасы узды. Конкурс Бөек Җиңүнең 80, Ватанны саклаучылар елы кысаларында «Ватан дәшә!» конкурсы кысаларында үткәрелде.
-
Актаныш районы башлыгы Ленар Зарипов райондашларны Игелек марафонында үз өлешләрен кертергә чакырды
Бүген инвалидлар спартакиадасы вакытында Актаныш районы башлыгы Ленар Зарипов журналистларга биргән интервьюда райондашларны иртәгә булачак Игелек марафонында үз өлешләрен кертергә чакырды.
-
Рух ныклыгы һәм җиңүгә омтылыш: «Батыр» спорткомплексында инвалидлар спартакиадасы старт алды
Бүген «Батыр» спорткомплексында мөһим һәм көтеп алынган чара – мөмкинлекләре чикләнгән райондашларыбыз арасында традицион спартакиада уза. Көчле рухлы авыл спортчылары дартс, снайпер, армспорт, теннис буенча көчләрен сыный. Узган атнада йөзү һәм шахмат-шашка ярышлары булып узган иде, бүген әлеге бәйге җиңүчеләрен тәбрик итәчәкләр.
-
Чишмәбаштан Гыйздәтуллиннар волонтерлыкта гаилә белән!
Актаныш районында волонтерлыкка ирле-хатынлы кушылып киткән һәм уңышлы эшләүче гаиләләр дә бик күп. Алар арасында Чишмәбаш авылында яшәүче Рәзилә һәм Илгиз Гыйздәтуллиннар махсус хәрби операция игълан ителгәннән бирле сугышчыларга булышалар, авыл халкын да бу изге эшкә тарталар.
