Кичә кич юл һәлакәте нәтиҗәсендә җәяүле вафат булган

Әлеге фаҗига буенча тикшерү эшләре бара.

2 декабрь көнне 19.10 минутта Олы Әтнә Күлле Киме авылы юлында юл фаҗигасе була. «Киа» автомобиленең 23 яшьлек йөртүчесе  Күәм авылында җәяү барган хатын-кызны бәрдерә. Нәтиҗәдә, җәяүле урында ук вафат була.

Беренчел мәгълүматларга караганда, хатын-кыз юл йөрү кагыйдәләрен бозып, юлны тиеш булмаган урында аркылы чыга. Бүгенге көндә әлеге юл фаҗигасе буенча тикшерү эшләре бара.

Юлларда игътибарды булыйк. Юл йөрү кагыйдәләрен үтик!

Чыганак