Инвалидлар арасында үткән ярышта актанышлылар сынатмады

10-11 август көннәрендә Түбән Кама шәһәрендә инвалидлар арасында җиңел атлетика буенча үткәрелгән Татарстан беренчелегендә Актаныш командасы уңышлы чыгыш ясады. Үз категорияләрендә ярышып, актанышлылар 5 беренче, 7 икенче һәм 4 өченче урын алып, алтын, көмеш һәм бронза медальләргә лаек булдылар.

200 м, 1500 м йөгерүдә һәм озынлыкка сикерүдә Фирдүс Хисаметдиновка тиңнәр булмады. Салават Сафиуллин 1 алтын, 2 көмеш медаль яулады, Илмар Шәңгәрәев 1 алтын, 1 бронза, Илмар Минһаҗев 3 көмеш, Фәнил Шакиров 2 көмеш һәм 1 бронза, Руслан Ярмиев 1 көмеш һәм 2 бронза медале яуладылар.