“Аҗаган“ хәрби-патриотик уеннарының җиңүчеләре билгеле

Актаныш-информ, 15 май 2021 - 16:22

1257

Җиңүчеләр һәм призерлар грамота, медаль һәм кубоклар белән бүләкләнде.

“Аҗаган“ хәрби-патриотик уеннарының җиңүчеләре билгеле. Хәрби-патриотик ярышларның иң күңелле мизгелләре – җиңүчеләрне бүләкләү. Егет-кызлар узган һәр сынауның үз җиңүчесен билгеләүдән тыш, призлы урын алган өч команда бүләкләнде. 1 урынга – Актаныш районы, 2 урынга – Алабуга шәһәре, 3 урынга Яр-Чаллы командалары лаек булды.

Җиңүчеләрне район мәгариф идарәсе җитәкчесе Раниза Шакирова һәм район хәрби комиссары Ленар Әхмәтҗанов котлады. Призлы урынга лаек булучы укучылар грамота, медаль һәм кубоклар белән бүләкләнде.