Кышка тәмле лечо рецептын тәкъдим итәбез

Түбәндәге ингредиентлар 1 порция лечо өчен исәпләнгән.

Кирәкле ингредиентлар

• Баллы борыч — 2,5 кг
• Помидор — 3 кг
• Сарымсак — 150 г
• Тоз — 2 аш кашыгы
• Шикәр комы — 6 аш кашыгы
• Кориандр — 1,5 аш кашыгы (теләк буенча)
• Төелгән кара борыч — 1 чәй кашыгы
• Көнбагыш мае — 150 мл
• 70 процентлы уксус кислотасы — 2 чәй кашыгы
• Петрушка — теләк буенча

Лечо әзерләү тәртибе

1. Помидорларны юып, кабыгын чистартабыз. Аннары иттарткыч аша чыгарып, зур кәстрүлгә салабыз. Кайнап чыкканнан соң, 10 минут пешерәбез.
2. Эре итеп туралган баллы борычны өстибез. Кайнап чыкканнан соң, 15 минут кайнатабыз.
3. Вакланган сарымсакны, тоз, төелгән кара борыч, кориандр һәм шикәр комын салабыз. Яхшылап болгатып, тагын 10 минут пешерәбез. 
4. Петрушка, көнбагыш мае һәм 70 процентлы уксус кислотасын өстибез. Болгатып, тагын 5 минут кайнатабыз.
5. Әзер лечоны стерильләштерелгән банкаларга тутырып, капкачлар белән ябабыз. Банкаларны әйләндереп куеп, өстен җылы одеяло белән каплыйбыз. Суынганчы шулай тотабыз.

Бу күләмнән якынча 7–8 литр лечо чыгарга мөмкин. Төгәл күләм помидор һәм борычның сусыллыгына карап үзгәрә.

Тәмле булсын!