Авылларга пассажир йөртүче таксист бер хатын-кызны янгыннан коткарган

                 Әлмәт шәһәрендә такси хезмәте белән шөгыльләнүче Павел Варфаламеевны Тихоновка авылына чакыралар. Пассажирын алырга килгән таксист авылын урамыннан узганда бер өйдә ялкын дөрләвен күреп ала. Тиз генә машинасын туктата да ут эченә ташлана һәм өлкән яшьтәге хуҗабикәне янган өйдән алып чыга. 

                 Әлмәт районы хакимияте гомуми планеркада Павел Варфаламеевны бу батырлыгы өчен хөрмәтләде, район башлыгы Тимур Нагуманов Россия Гадәттән тыш хәлләр министрлыгының Татарстан Республикасы буенча идарәсенең Рәхмәт хаты тапшырды. 

            Бу хакта "Хезмәт байрагы" газетасы сайты хәбәр итә.