Иске Байсар авыл җирлегендә беренчел хәрби исәп: тәҗрибә һәм җаваплылык

— Рәмис Мөхәммәтхамисович, сез җитәкләгән авыл җирлегендә беренчел хәрби исәп ничек оештырылган?

— Эшебез дәүләтнең законнары нигезендә ныклы һәм системалы рәвештә корылган. Без түбәндәге документларга таянабыз:

• Россия Федерациясе Конституциясе;

• «Хәрби бурыч һәм хәрби хезмәт турында» федераль закон;

• «Оборона турында» федераль закон;

• «Россия Федерациясендә мобилизацион әзерлек һәм мобилизация турында» федераль закон;

• Россия Хөкүмәтенең 2026 елның 13 апрелендәге 719 нчы карары;

• Россия Оборона министрлыгының методик тәкъдимнәре;

• шулай ук Татарстан Республикасы Министрлар Кабинеты һәм хәрби комиссариат күрсәтмәләре.

Бу документлар безгә эшчәнлекне югары дәрәҗәдә оештырырга мөмкинлек бирә.

— Төп эш юнәлешләре ниндәй? Башкарма комитет тарафыннан нинди документлар расланган?

— Беренче чиратта, без эшнең юридик нигезен әзерләдек. Авыл җирлеге башкарма комитеты тарафыннан «Муниципаль берәмлек территориясендә беренчел хәрби исәпне алып бару тәртибе турында»гы нигезләмә расланды. Шулай ук еллык эш планы булдырылды, анда барлык чаралар, сроклар һәм җаваплы затлар күрсәтелгән.

Даими рәвештә түбәндәге исәп документлары алып барыла:

• беренчел исәп карточкалары;

• алфавит карточкалары;

• призывниклар исәбе;

• запаска алынган гражданнар буенча документлар.
  Моннан тыш, мәгълүмат алмашу дәфтәре, хәрби исәптән төшерелгән гражданнарның исемлеге дә югалтылмый.

— Гражданнар белән эшләү ничек оештырыла? Кабул итү, аңлатма бирү эшләре бармы?

— Әлбәттә. Гражданнарны кабул итү даими рәвештә алып барыла. Һәр килүчегә закон таләпләрен аңлатабыз, документларны рәсмиләштерүдә булышабыз, кирәкле белешмәләр бирәбез. Документларны кабул иткәндә, без расписка бирәбез – бу мөһим юридик деталь.

Эчке эшләр органнары белән берлектә, теркәлүе булмаган, ләкин безнең территориядә өч айдан артык яшәүче гражданнарны ачыклауга аерым игътибар бирелә. Аларга хәрби комиссариатка килергә кирәклеген вакытында хәбәр итәбез. Повесткалар буенча хәбәрдарлык тәэмин ителә.

— Оешмаларда хәрби исәпнең торышы ничек тикшерелә?

— Авыл җирлеге чикләрендә урнашкан һәр оешмада хәрби исәпне алып бару даими контроль астында. Без елга ким дигәндә бер тапкыр бу оешмаларның документларын чагыштырабыз, исәп карточкаларының дөреслеген, тутырылу вакытындалыгын тикшерәбез. Бу чара мәгълүматларның төгәллеген тәэмин итә, хаталарны булдырмый.

— Тагын нинди бурычларны атар идегез?

— Эш дәирәсе бик киң. Гражданнарның медицина тикшерүләре узуын күзәтәбез, контракт буенча хәрби хезмәткә китүчеләрне озата барабыз, аларга кирәкле киңәшләр бирәбез. Хәрби комиссариат белән элемтә өзлексез.

Документларның актуальлеге – бөтен эшнең нигезе. Шуңа күрә:

• мәгълүмати стендлар системалы рәвештә яңартыла;

• искергән карточкалар алыштырыла;

• архив документларын юкка чыгару буенча актлар әзерләнә;

• вазифаи күрсәтмәләр даими тикшерелә һәм камилләштерелә.

Аерым игътибар – социаль якланмаган категория гражданнарына: ташламалы категориядәгеләргә, махсус хәрби операциядә катнашучыларга, башка хәрби хәрәкәтләр ветераннарына. Аларның хокукларын һәм законлы мәнфәгатьләрен яклау – безнең бурыч.

— Еллык эш нәтиҗәләре ничек бәяләнә? Кемгә хисап торасыз?

— Ел ахырында без башкарылган эшкә җентекле нәтиҗә ясыйбыз. Кимчелекләрне ачыклыйбыз, аларны бетерү буенча чаралар планлаштырабыз. Һәр елны 1 гыйнварга кадәр Актаныш районы хәрби комиссариатына тулы хисап тапшырабыз. Хисап формасы, эчтәлеге һәм сроклары югарыда әйтелгән норматив документлар белән көйләнә.

Әйткәндәй, без хәрби исәп эшчәнлеге белән генә чикләнмибез. Гуманитар ярдәм җыюда, аны махсус операция зонасына озатуда актив катнашабыз. Бу – безнең гражданлык позициясе.

— Әңгәмәне йомгаклап, сез үзегез бу эшне ничек бәялисез? Төп нәтиҗәләр турында әйтә аласызмы?

— Беренчел хәрби исәп – гади эш түгел. Ул гаять зур җаваплылык таләп итә. Бу өлкәдә формализм булырга тиеш түгел. Төгәллек, сабырлык, игътибарлылык, законнарны белергә һәм аларны дөрес куллана белергә кирәк. Белемнәрне даими рәвештә камилләштерү зарур.

Без бу эшне намус белән башкарырга тырышабыз. Чөнки беренчел исәптәге тәртип турыдан-туры илебезнең иминлеге, оборона сәләте белән бәйле. Һәр карточка, һәр документ, һәр граждан белән индивидуаль эш – болар барысы да гомуми эшнең бер өлеше.

Игътибарыгыз өчен рәхмәт!

Әңгәмәне йомгаклап, Рәмис Кадыйров авыл җирлеге башлыгы вазифасын башкарганда беренчел хәрби исәп юнәлешендәге эшчәнлеккә җитди якын килү, законнарга каты таяну, гражданнар һәм оешмалар белән эффектив хезмәттәшлек итү аерым игътибарга лаек икәнен күрсәтте.