«Сәламәтлек саклау» милли проекты ярдәмендә Такталачык амбулаториясенә капиталь ремонт тәмамлануга таба

Такталачык участок амбулаториясендәге төзекләндерү эшләренең гомуми суммасы 20 миллион сумнан артып китә, бу район халкына медицина хезмәте күрсәтүнең сыйфатын яхшыртуга зур өлеш кертәчәк. 
 
Әлеге проект аеруча әһәмиятле, киләчәктә  авыл халкына заманча медицина хезмәтләреннән һәм уңайлы шартлардан файдалану мөмкинлеге бирә. Яңартылган поликлиника медицина ярдәме күрсәтү дәрәҗәсен күтәреп кенә калмыйча, бөтен авыл һәм күрше торак пунктлар өчен сәламәтлек үзәгенә әвереләчәк. 
 
Россия Федерациясендә "Сәламәтлек саклау" милли проекты гамәлгә ашырыла башлаганнан бирле Актаныш районында 20дән артык фельдшер-акушерлык пункты ремонтланган. 2025 елда 7 фельдшер-акушерлык пунктын төзекләндерү күздә тотыла, бу медицина инфраструктурасын тагын да ныгытачак һәм халыкка аны уңайлырак итәчәк.