БҮГЕН РАДИОДА: Йөрәкләрдә мәңге сакланыр!
Быел Бөек Ватан сугышында яуланган Бөек Җиңүнең 77 язын каршылыйбыз. Сугыш яуларыннан исән-имин туган якларына кайткан ветераннарыбызның да, тыл каһарманнарыбызның да саннары елдан-ел кими. Безнең Актаныш радиоташыруларында шушы тематикага соңгы көннәрдә аеруча өстенлек бирелә.
Бүген кичке эфирда, "Җанда әрни ул яра" сәхифәбез кысаларында районыбызның Аеш авылында туып-үсеп, Актаныш җирлегендә игелекле картлык елларын кичерүче тыл һәм хезмәт ветераны, Бөек Ватан сугышы яугиренең тол хатыны Салихә апа Әхмәтова белән җанлы әңгәмә булачак.
Кичке эфирыбыз "Болгар" радиосы дулкыннарында 19:00 сәгатьтә башланып китәчәк. Диктор - Әлфия Мөхәммәтова, тавыш операторы - Юлай Низаев.
Следите за самым важным и интересным в Telegram-каналеТатмедиа
Нет комментариев