Айрат Гыймадиев аз керемле гаиләләргә ярдәм күрсәтте

Коронавирус халыкны гына түгел, икътисадны да тез чүктерде. Бар халык, аеруча эшмәкәрләр яшәү җаен эзләп, киләчәк өчен борчылып йөргәндә, районда бүгенге вазгыятькә битараф булмаган кешеләр дә бар.

Федераль сәүдә челтәрләренең район үзәгендәге кибетнең җитәкчесе Айрат Гыймадиев, волонтерлар белән берлектә, биш аз керемле гаиләгә ярдәм йөзеннән, көнкүреш кирәк - ярак һәм азык - төлек тутырылган пакетлар өләште. Әлеге игелеккә башкалар да кушылыр дигән өметтә калабыз.

Бүгенге көндә бер-беребезгә терәк һәм кирәк булып яши торган чор. Ә Айрат Рәсим улына, изге эшләре өчен барлык район халкы исеменнән ихластан рәхмәт!