СУЫТА: Татарстанда Яңа ел төнендә 24 градус салкын көтелә

(Казан, 26 декабрь, “Татар-информ”, Елена Кривопатре). Татарстанда Яңа ел төнендә 24 градус салкын көтелә. Бу хакта Гадәттән тыш хәлләр министрлыгының кисәтү һәм ликвидация комиссиясе утырышында Татарстан Гидрометеорология һәм әйләнә-тирә мохитне күзәтү идарәсе җитәкчесе Сергей Захаров сөйләде.

“31 декабрьдә Татарстанда бераз кар явуы көтелә, урыны белән -13...-18 градус салкын булачак. Яңа ел төнендә -15...-20 градус, аязганда –24 градус фаразлана.

Республикада беренче гыйнварда -12...-17 градус салкын булачак”, - диде Гидрометеорология һәм әйләнә-тирә мохитне күзәтү идарәсе җитәкчесе Сергей Захаров.

– 24 градуска кадәр салкын 30 декабрь төнендә көтелә. Ул көнне көндез һава температурасы - 14...-19 градус булачак, дип җиткерә метеорологлар.

Бу хакта тулырак: https://tatar-inform.tatar/news/2018/12/26/177813/