БЕЗГӘ ЯЗАЛАР: “Әтәчкәй” балалар бакчасында ата-аналар җыелышы үтте

Чарада ата-аналар игътибарына Раушания Ибнеева җитәкчеленгендәге  төркем нәниләре  Фәнис Яруллинның "Тиен малае Тим-тим"әкиятен  тәкъдим итте. 

Балалар театр аша әдәп-әхлаккә ойрәнә, бер-берсе арасында дустанә мөнәсәбәткә, игътибарлылыкка, ярдәмче булырга,биргән вәгъдәләрне үтәүгә, әйләнә-тирә кешеләргә ихтирамлы булырга өйрәнәләр. 

Җыр-бию белән баетылган чыгышлар аша балалар үзләренә күп мәгълүмат, белем һәм тәрбия алдылар. Ата-аналар җыелышы үзара фикер алышу белән дәвам итте. Ата-аналарга балалар тарафыннан  юл йөрү кагыйдәләрен  үтәү буенча аңлату эшләре алып барылды,  доклад укылды.