Бүген сәләтле балалар өчен гуманитар гимназия-интернатта ата-аналар җыелышы узды

         Ата-аналар белән бүгенге очрашуга педагогика фәннәре галимәсе Ольга Ренина да чакырылган иде.

Ольга Константиновна бала шәхесен позитив мотивта тәрбияләү буенча кыйммәтле педагогик-психологик киңәшләрен җиткерде.

           Район башлыгы Энгель Фәттахов гимназия коллективының бу уку елында яңа заманча бинада зур уңышларга ирешүен билгеләп үтте. Киләчәктә укучылар, укытучыларны Татарстанда гына түгел, Россия күләмендәге бәйге-олимпиадаларга чыгару, таныту максатыннан планлы эшләр башкарыла. Тиздән гимназия җитәкчелеге Санкт-Петербургтагы президент мәктәбенә тәҗрибә уртаклашырга барачак. 

Ата-аналар җитәкчеләргә үзләрен борчыган сорауларын биреп, компетентлы җаваплар алды. 

         Киңәшмәдә сәләтле балалар өчен гуманитар гимназия-интернат директоры Венера Хәева, директор урынбасары Ленар Шәвәлиев

, башлангыч мәктәп өлеше мөдире Лилия Глүс кызының чыгышлары тыңланды.