Районда “Ел укытучысы-2022” бәйгесе уза

         “Ел укытучысы” бәйгесе ел саен педагогик хезмәткәрләрнең дәрәҗәсен күтәрү, һөнәрмәнлеген ачыклау максатыннан оештырыла. 
         Бәйгедә катнашучылар дәрес үткәрүнең кызыклы формаларын, укучылар белән эшләүнең нәтиҗәле алымнарын, заманча технологияләрне педагогик эшчәнлектә куллану ысулларын күрсәтәләр. 
         Бәйгедә “Иң яхшы татар теле һәм әдәбияты укытучысы”, “Педагогик дебют”, “Укытучы-иҗатчы”, “Педагог-профессионал”, “Укытуда үзенчәлекле алым” һәм башка номинацияләрендә дә җиңүчеләр ачыкланачак.