Актаныш

Яңа уку елында студентлар югары уку йортларында битлек кияргә тиеш булачак

Укытучылар битлекләрдән тыш перчаткалар да киячәк.

(Казан, 5 август, «Татар-информ», Арсений Кәримов). Яңа уку елында коронавирус пандемиясе белән бәйле рәвештә, студентлар дәресләргә битлек киеп йөриячәк, ә укытучылар — перчаткалар да. Бу хакта «Татар-информ» мәгълүмат агентлыгында узган матбугат конференциясендә Роспотребнадзорның ТР буенча идарәсе җитәкчесе урынбасары Марина Трофимова сөйләде.

«Студентлар уку вакытында битлекләрдә булырга тиеш. Педагогик состав һәм башка персонал битлек һәм перчаткалар кияргә тиеш. Иҗади дәресләр үткәргән вакытта лектор һәм студентлар битлекләрсез була ала», — диде Трофимова.

Реклама

Моннан тыш, бинага керү юлында бөтен кеше дә температураны үлчәтергә тиеш. Моны көнгә ике тапкыр эшләргә кирәк булачак.

Югары уку йортларына керү һәм гомуми файдалану урыннарында санитайзерлар куелырга, дәресләр арасындагы тәнәфесләрдә барлык аудиторияләр җилләтелергә тиеш. Ачылыр алдыннан белем йортларында махсус дезинфекция чаралары кулланып генераль җыештыру үткәреләчәк. 

tatar-inform

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Комментарии (0)
Осталось символов: