БЕЗ БЕЛЕШТЕК: Әллә Агыйдел аша паром төшкән?

Быел яз сизелерлек иртә килде. Агыйдел бозын да иртәрәк озакттык. Хәзер инде Татарстан-Башкортстан арасын Агыйдел кичүе аркылы кыскартып күнеккәннәр паром төшүен көтә. 

Узган ел әлеге вакыйга апрельнең 27сендә теркәлгән булса, быел су кичүе ике атна алданрак ачылыр дип фаразлана. Бәлки инде ялларда ук паром бу елның тәүге рейсын ясар. Димәк, автомобильчеләргә берничә көн генә сабыр итәргә калган!