Актанышлылар Иске Абдул авыл җирлегендә үткән Республика семинарында катнашты (+ФОТОЛАР)

19 август көнне, Республика семинары кысаларында, Иске Абдул авыл җирлеге Актаныш, Сарман, Минәлә, Тукай районы делегацияләрен кабул итте. 

Авыл мәдәният йорты каршында кунакларны авыл җирлеге башлыгы Резедә Хасиятовна, Асыльяр фольклор коллективы каршы алды. Ә һәйкәл каршында кунакларны әфган сугышы ветераннары Әбүзәр Габдрахманов, Илдус Насыров, Нәкыйп Хафизов, Марсел Ситдиков сәламләде. 

Авыл тарихы, һәйкәлләребез тарихы белән кыскача танышканнан соң, делегатлар мәдәният йортына уздылар, Гиндукуш хәрби дан музееның яңа экспозициясе белән таныштылар. Кунакларыбыз соклануларын яшермәделәр, тарихны барлау буенча эшләгән хезмәтебез өчен рәхмәтләрен җиткерделәр, җылы фикерләрен язып ук калдырдылар, диелгән Музей боевой славы "Гиндукуш"ның ВК төркемендә.