КЫЗЫКЛЫ СӘЯХӘТ: "Каенкай" бакчасы нәниләре янгын сүндерүчеләр белән очрашты

Балаларның янгын чыгу куркынычсызлыгы турында һәм янгын сүндерүчеләрең һөнәрләре турында белемнәрен ныгыту, ут-күзчыкмасын өчен үтәлергә тиешле кагыйдәләр белән танышу һәм балаларның сөйләм телләрен үстерү, бу һөнәрдәге кешеләр турында горурлык хисе уяту максатыннан “Каенкай” балалар бакчасының зурлар һәм мәктәпкә әзерлек төркеме нәниләре "Татарстан Республикасының янгынга каршы федераль хезмәтенең 15 нче отряды" Федераль дәүләт казна оешмасының 103 нче янгын сакчылыгы бүлегенә сәяхәт кылдылар.

Хезмәткәрләр Марат Арсланов һәм Фәрит Лотфуллиннар аларга кызыклы һәм аңлаешлы итеп янгын сүндерүчеләр турында сөйләде.

 Мәктәпкәчә яшьтәге балалар янгын сүндерүче машиналарның җиһазлары һәм янгын сүндерүчеләрнең киемнәре белән таныштылар, кайбер киемнәрне киеп тә карадылар. Шулай ук алар янгын бүлегенең диспетчер бүлмәсендә дә булдылар.