“ӘНИЕМ – КҮЗ НУРЫМ” БӘЙГЕСЕНӘ НӘТИҖӘ ЯСАЛДЫ.
Әниләр көне уңаеннан һәм шулай ук, нәфис сүз осталарын барлау, аларга иҗади үсеш өчен шартлар булдыру, иҗади потенциалын үстерү, татар телен, әдәбиятын һәм мәдәниятын пропагандалау максатыннан “Актаныш авазы” телевидениесендә “Әнием – күз нурым” дип аталган видеобәйге узган идеБәйге шартлары буенча, шигъри формада әниләргә котлау яздырып, видеосын “Актаныш авазы”на җибәрергә кирәк иде. Барлык видеолар безнең официаль, “Актаныш-информ” YouTube каналында урнаштырылды.
Бәйгедә барлыгы 100гә якын видео катнашты. Урыннар чыгарганда иң әүвәл сәнгатьле сөйләмгә, видеоның техник башкарылышына игътибар Һәм шигырьнең авторлыгына өстенлек бирелде. Ике категориягә бүленеп чыгарылган урыннар түбәндәгечә:
Мәктәпкәчә яшьтәге балалар:
1. Сабирова Лиана, 5 яшь
2. Фархтдинов Тимур, 5 яшь
3. Гаянова Азалия, 4 яшь һәм Салихов Рамазан, 5 яшь.
Башлангыч сыйныф укучылары арасында:
1. Мухаметдинова Ләйлә
2. Галиуллина Камилә
3. Яппарова Ләйлә һәм Галин Ильяс.
ГРАН-ПРИ иясе - Таңсылу Салахова, 9 яшь, Чуракай авылы.
Аерым номинацияләрдә:
“Иң шәп видео” - Сабирова Лиана, Сабиров Самир һәм Айзирәк, Фардиева Милана
“Тик тормас” – Алиса Шайгарданова
“Иң күп лайк җыючы” – Исламия Ганиева.
Җиңүчеләр “ТАТМЕДИА” филиалының “Актаныш- информ” мәгълүмат үзәгендә бүләкләнәчәк. Бер генә шигырь сөюче дустыбыз да бүләксез калмас. Һәрбер катнашучыга электрон формада Дипломнар җибәрәбез. Әлеге бәйге соңгысы түгел. Яңалыкларны күзәтеп барыгыз, безнең белән булыгыз!
Следите за самым важным и интересным в Telegram-каналеТатмедиа
Нет комментариев