Актаныш

Актаныш районы

16+
2024 - Гаилә елы
Общество

Рөстәм Миңнеханов Башкортстандагы авариядә зыян күрүчеләргә ярдәм итәргә кушты

Зыян күрүчеләрнең бер өлешен санитар авиация белән Чаллы ашыгыч медицина ярдәме хастаханәсенә китерәчәкләр.

(Казан, 15 июль, «Татар-информ»). Татарстан табиблары Башкортстанда һәлакәткә юлыккан автобуста зыян күрүчеләрнең барысына да тиешле ярдәм күрсәтәчәк. Бүген ТР Президенты Рөстәм Миңнеханов шундый йөкләмә бирде. Бу хакта «Татар-информ» агентлыгына Казан Кремленең рәсми вәкиле Лилия Галимова хәбәр итте.

«Рөстәм Миңнеханов вазгыятьне шәхси контроленә алды. Аның тарафыннан ТР Сәламәтлек саклау министрлыгына зыян күрүчеләргә ярдәм итү һәм аларны Татарстанның дәвалау учреждениеләренә китерү өчен тиешле йөкләмәләр бирелде. Сәламәтлек саклау министрлыгы мәгълүматлары буенча, бүген транспортта илтү рөхсәт ителгән барлык зыян күрүчеләрне дә Татарстан хастаханәләренә китерәчәкләр. Кирәк булган очракта, ТР Президенты йөкләмәсе белән бу эшкә санитар авиация дә җәлеп ителәчәк», – диде Галимова.

Реклама

Аның сүзләренчә, Рөстәм Миңнеханов барлык зыян күрүчеләргә дә оператив ярдәм иткәннәре өчен Башкортстандагы коллегаларына рәхмәт белдергән. Шул хактагы телеграмма Башкортстан Башлыгы адресына юлланган.

Бу хакта тулырак: https://tatar-inform.tatar/news/2019/07/15/189811/

Следите за самым важным и интересным в Telegram-каналеТатмедиа

Реклама

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев