Актаныш

Актаныш районы

16+
2024 - Гаилә елы
Ә сез беләсезме?

КЫЙБЛА:Никахның өстенлекләре

Никахлы тормышның саваплары бик күп.

  1. Пәйгамбәребез ﷺ Кыямәт көнендә үз өммәтенең зурлыгы белән горурланачак.
  2. Гаилә кору күзнең һәм җенес әгъзаларының хәрәмнән саклануына булышлык итә.
  3. Никахка керү сәбәпле хатыннар үзләренең гыйффәтлелеген саклый, шулай ук аларга иренең һәм үзенең җенси теләген канәгатьләндергәне өчен савап языла (кеше ләззәт кичерә, шул ук вакытта аның изге гамәлләре дә арта).
  4. Ир-ат үз хатынын караганы, киендергәне, торак белән тәэмин иткәне һәм хәтта үз кулыннан ашатканы өчен савап ала.
  5. Никахка керү нәфеснең файдалы дини һәм дөньяви эшләрне күңел салып башкарырга комачаулаган көчен киметә. Әгәр дә нәфескә бәйләнсә яисә аңа каршы көрәшү, аны басу белән мәшгуль булса, йөрәге кешене файдалы эшләрдән ерагайтыр иде. Уйларыңны һәм көчеңне бер тарафка юнәлтсәң, димәк, башка тарафларны игътибарсыз калдырасың.
  6. Никахка керү сәбәпле тик кыз балалар гына туса, һәм кеше аларны сабырлык белән хәстәрләп үстерсә, аларга изгелек күрсәтсә, бу кызлар Кыямәт көнендә аны Уттан саклаячак.
  7. Никахка кергән кешенең балигъ яшкә җитмәгән ике баласы вафат булса, ул шуларның ярдәме белән Оҗмахка керәчәк.
  8. Никахка керүнең тагын бер фазыйләте киләсе хәдистә телгә алына: «Аллаһ өч кешегә ярдәмләшергә бурыч алды: гыйффәткә омтылып, никахка керүчегә; хуҗасы белән үз-үзен сатып алу хакында килешү төзеп, шуны үтәү өчен тырышкан колга; Аллаһ юлында тырышучыга».
Реклама

Следите за самым важным и интересным в Telegram-каналеТатмедиа

Реклама

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Актаныш Татарстан Дин Ислам Юлай Низаев Татарлар Юлай НИЗАЕВ, "Актаныш-информ" Кыйбла