Актанышның «Җиңү» паркы

Тасвирлама:
Актанышның «Җиңү» паркына 1975 нче елда нигез салына. 2005 елда, Бөек Җиңүнең 60 еллык бәйрәменә зур реконструкция эшләре башкарыла. килүчеләрне «Билгесез солдат» һәйкәле каршы ала. Аның аяк астында- мәңгелек ут яна. Һәйкәлнең уң ягында Бөек Ватан сугышында катнашкан якташларыбызның исемнәре уеп язылган стелалар урнаштырылган, Советлар Союзы Герое исеменә лаек булган райондашларыбызның портрет- рәсемнәре куелган.
Адресы:
Актаныш авылы, Җиңү паркы

Актанышның «Җиңү» паркында репрессия корбаннарына, сугыш чоры балаларына багышланган һәйкәл-обелисклар, Әфганстан, Чечня сугышларында һәлак булган батырлар истәлегенә постаментлар куелган. Десантчылар, хәрби-диңгез флотында хезмәт итүчеләр, чик сакчыларына һәм башка хәрбиләргә багышланган һәйкәлләр янында төрле истәлекле чаралар оештырыла, яшь буынга патриотик тәрбия бирә торган очрашулар уза.