Актаныш районы мәктәпләре

Актанышның сәләтле балалар өчен гуманитар гимназия-интернаты –Татарстанның Актаныш авылында урнашкан дәүләт мәктәбе. XXI гасырда милләткә хезмәт итүче һәм дөньяны үзгәртүче татар зыялыларын һәм лидерларын тәрбияләү максатыннан 2011 елда Министрлар Кабинеты карары нигезендә ачыла. Гимназия Татарстанның иң яхшы 100 мәгариф учреждениесе рейтингына керде, авыл җирлегендә урнашкан мәктәпләр арасында беренче булды. 100 урынлык заманча пансионы булганга күрә, гимназия «Тулы көнлек мәктәп» режимында эшли. Ерак төбәкләрдән килгән укучылар шимбә- якшәмбе көннәрендә дә пансионда кала ала. Укучылар көненә 5 тапкыр сыйфатлы кайнар ризык белән дәүләт хисабына түләүсез туклана, ашханә хәләл ризык белән тәэмин ителгән. Һәр укучының казанышлары гимназиякүләм рейтингта баллар белән бәяләнә. Иң югары балл туплаучы укучылар җәй көне чит илдә ял итә һәм инглиз телен камилләштерә. Соңгы елларда укучыларыбыз Мальтада, Испаниядә һәм Чехия ял итеп кайттылар. Гимназиядә әхлак тәрбиясе кертелгән, теләге булган укучыларның якында гына урнашкан мәчеткә йөрергә мөмкинлекләре бар. Бердәм милли дресс-код бар. Укучыларның сәламәтлеген кайгырту югары дәрәҗәгә куелган. Пансионда яшәүчеләр өчен һәр көнне иртәнге күнегүләр, кичләрен чаңгыда шуу, боз сараенда шөгыльләнү, футбол, баскетбол, волейбол, бадминтон түгәрәкләре каралган. Атнага кимендә бер тапкыр һәр укучы бассейнда йөзә. Гимназиянең өстенлекле ягы – өстәмә белем бирү программасы. Анда милли тәрбия бирүче дәресләр дә, инглиз һәм төрек телләре, философия, психология, латин теле, хореография, вокал, менталь арифметика, программалаштыру, 3D- модельләштерү, шахмат, дебатлар, лидерлык дәресләре дә бар. Җәй көннәрендә гимназия-интернат базасында “Бүләк” төбәкара милли-мәдәни профильле сменасы уздырыла. Бу – җәйге мәктәп чоры: укучылар күңелле итеп ял итеп кенә калмыйлар, файдалы күнекмәләр дә үзләштерәләр, олимпиадаларга әзерләнәләр, чит илләрдән килгән остазлар белән инглиз телен өйрәнәләр. Сменаларда гимназия укучыларыннан тыш Россиянең 20ләп төбәгеннән балалар ял итә. Укытучылар һәм тәрбиячеләр коллективы – чын профессионаллар. 3 Татарстанның Атказанган укытучысы, 4 Россия Федерациясе Мәгариф һәм фән министрлыгының Мактау грамотасы ияләре, 4 Татарстан Республикасының «Мәгарифтагы казанышлары өчен» Күкрәк билгесе ияләре эшли монда. Коллективның 62% югары категорияле белгечләр. Гимназия укытучылары БДИ комиссияләре экспертлары да әле. Гимназия укучылары – олимпиадаларда җиңүче һәм призерлар. “Хәзинә” бию ансамбле, “Ак нур” вокаль коллективы республика бәйгеләрендә даими җиңүләр яулый, Актанышның горурлыгы булып тора. Быел бу коллективлар санына курайчылар төркеме дә кушылды. 2019 елда гимназиядә Әлфия Авзалованың беренче музее ачылды. Заманча җиһазланган интерактив музейда татар халкының бөек җырчысының тормышы һәм иҗаты белән танышырга, татарча караоке җырларга, уникаль экспонатларны күрергә була. Гимназиянең “Сәйярә” иҗат төркеме татар телендә Шекспир иҗаты нигезендә театраль эскизлар куя. Бу – эксперименталь форматта эшли торган кабатланмас коллектив. Актаныш гимназиясе – ул киләчәккә юл. Безнең укучылар Казан, Чаллы, Мәскәү вузларында, чит ил университетларында белем ала, үзләрен креатив индустриядә, фәндә, медицинада, юриспруденциядә, инженер һөнәрләрендә таба. Белем алу, яшәү һәм туклану түләүсез.

• +7(85552) 3-41-81

Актаныш авылы, Аэропорт урамы, 3 а йорты

Актаныш беренче урта гомуми белем бирү мәктәбендә 661 укучы укый. Аларга 59 педагог белем һәм тәрбия бирә.

• +7(85552) 3-12-97
• +7(85552) 3-12-96

Актаныш авылы, Ленин проспекты, 42 нче йорт

Актанышның икенче санлы урта мәктәбе аерым фәннәрне тирәнтен үзләштерүле компетенция үзәге булып тора. Мәктәпкә химия-биология юнәлешендәге фәннәрдән профильле имтихан тапшырган яисә бу фәннәрне өйрәнергә омтылышлары зур булган төп мәктәпне тәмамлаучылар кабул ителә. 2024-2025 уку елында Актанышның икенче санлы урта мәктәбендә табигый- фәнни юнәлештәге белем бирү- җитештерү кластеры кысаларында «Промхимтех» алдынгы инженерлык мәктәбе классын ачу планлаштырыла. Сыйныфлардагы педагогик эшчәнлек Татарстан Республикасында 2030 елга кадәр игълан ителгән «Уңыш» профильле укыту системасын үстерү концепциясе кысаларында тормышка ашырыла. Аерым фәннәрне тирәнтен үзләштерүле Актанышның икенче урта гомуми белем бирү мәктәбендә 755 укучы укый, аларга 60 педагог белем һәм тәрбия бирә.

• +7(85552) 3-12-46

Актаныш авылы, Юбилей урамы, 66 нчы йорт

Киров урта гомуми белем бирү мәктәбендә 90 укучы укый. Аларга 17 педагог белем һәм тәрбия бирә.

• +7(85552) 5-86-10

Киров исемендәге совхоз

Пучы урта гомуми белем бирү мәктәбендә 230 укучы укый, аларга 23 педагог белем һәм тәрбия бирә.

• +7(85552) 5-12-32
• 5-12-34

Пучы авылы, Кызыл Армия урамы, 12 нче йорт

Сәфәр урта гомуми белем бирү мәктәбендә 67 укучы укый, аларга 19 педагог белем һәм тәрбия бирә.

• +7(85552) 5-60-52

Иске Сәфәр авылы, М. Вахитов урамы, 17 нче йорт

Татар Суыксуы урта гомуми белем бирү мәктәбендә 63 укучыга 16 педагог белем һәм тәрбия бирә.

• +7(85552) 5-25-87

Татар Суыксуы авылы, Гагарин урамы, 1Б йорты

Советлар Союзы Герое Хәсән Заманов исемендәге Актаныш кадет мәктәп-интернатының миссиясе– интеллектуаль һәм физик яктан үсеш алган, югары дәрәҗәдә оешкан, дисиплиналы (тәртипле) бурыч һәм җаваплылык хисе формалаштырылган, үз иленең чын патриоты булган шәхес әзерләү. Актаныш кадет мәктәбендә төп гомуми һәм урта (тулы) гомуми белем бирү программасыннан тыш, хәрби-патриотик, физкультура-спорт, норматив-хокукый әзерлек буенча өстәмә программалар гамәлгә ашырыла, алар кадетларны хәрби хезмәткә әзерләүгә юнәлдерелгән. Коллектив җитәкчеләре һәм педагоглары интернаттагы кадетларның тормышын гаилә мохитына якынайтырга тырыша. Моның өчен барлык шартлар да тудырылган. Укучылар бик яхшы җиһазландырылган йокы бүлмәләрендә яши, биш тапкыр түләүсез туклана, хәрби формалар бирелә.

• +7(85552) 6-02-16
• +7(85552) 6-02-51

Кәзкәй авылы, Беренче май урамы, 2А йорты

Аккүз төп гомуми белем бирү мәктәбендә 28 укучыга 11 укытучы белем һәм тәрбия бирә.

• +7(85552) 5-80-22

Аккүз авылы, Габдулла Тукай урамы, 1 нче йорт

Әтәс төп гомуми белем бирү мәктәбендә 28 укучы укый, 12 педагог белем һәм тәрбия бирә.

• +7(85552) 5-90-21

Әтәс авылы, Үзәк урамы, 54 нче йорт

Байсар төп гомуми белем бирү мәктәбендә 61 укучыга 12 педагог белем һәм тәрбия бирә.

• +7(85552) 5-53-21

Иске Байсар авылы, Мәктәп урамы, 54 нче йорт

Богады төп гомуми белем бирү мәктәбендә 52 укучы белем ала, аларга 11 педагог белем һәм тәрбия бирә.

• +7(85552) 5-45-36

Иске Богады авылы, Үзәк урамы, 56 нчы йорт

Югары Яхшый төп белем бирү мәктәбендә 20 укучыга 9 педагог белем һәм тәрбия бирә.

• +7(85552) 5-96-34

Югары Яхшый авылы, Яңа урамы, 18 нче йорт

Күҗәкә төп гомуми белем бирү мәктәбендә 17 укучы укый. Аларга 9 педагог белем һәм тәрбия бирә.

• +7(85552) 5-67-15

Күҗәкә авылы, Совет урамы, 46 нчы йорт

Мари Суыксуы төп гомуми белем бирү мәктәбендә 39 укучы укый, 11 педагог белем һәм тәрбия бирә.

• +7(85552) 5-24-06

Мари Суыксуы авылы, Илекбай Миңлебаев урамы, 29 нчы йорт