12 февраль 2024 яңалыклары
-
Татарстанның 2 меңнән артык укучы һәм студенты «Профессионаллар» һөнәри осталыкһәм Югары технологияләр чемпионатларының төбәк этабында катнашачак
Әлеге 300 артык компетенция буенча ярышлар республикада 12 февральдән март ахырына кадәр узачак. Ярышлар һөнәри осталык буенча Бөтенроссия чемпионаты кысаларында гамәлгә куела.
-
Яңа Богады авылында яшәүче тыл ветераны Вәсим Муллахмәтовка В. Путинның котлавын тапшырдылар
Яңа Богады авылында яшәүче тыл ветераны Вәсим Муллахмәтовка 90 яшь тула. Вәсим Муллахмәт улын олуг юбилее белән Актаныш районы башкарма комитеты җитәкчесенең икътисад буенча урынбасары Лиана Сираева котлап Владимир Путинның котлау хатын тапшырды.
-
Гаилә елында гаиләләргә нинди ярдәм күрсәтелә?
Русия Президенты Владимир Путин 2024 елны илдә Гаилә елы дип игълан итте. Мондый карарны ул традицион гаилә кыйммәтләрен саклау һәм яклау максатында кабул итте. Моннан тыш, Гаилә елы әлеге институтны яклау буенча дәүләт чараларын популярлаштыруга юнәлтелгән. 2023 елның 22 ноябрендә Владимир Путин “Русиядә 2024 елны Гаилә елы дип игълан итү турында” указга кул куйды. Указ шул ук көнне үз көченә керде. Моннан тыш, Русия Президенты Хөкүмәткә 27 декабрьгә кадәр Гаилә елын уздыру буенча оештыру комитетын формалаштырырга, шулай ук куелган максатларга ирешү өчен кирәкле чараларны финанслау чыганакларын билгеләргә кушты. Указда шулай ук оештыру комитеты рәисе итеп вице-премьер Татьяна Голикова билгеләнүе турында да белдерелде. Ноябрь ахырындагы чыгышында ул балаларның һәм өлкәннәрнең сәламәтлеген яхшыртуга юнәлтелгән төрле программалар планлаштырылуын ассызыклады. Алар арасында мәҗбүри диспансерлау кысаларында хезмәткәрләрнең репродуктив сәламәтлеген тикшерү дә бар. Соңгы елларда Президент демографик проблеманы хәл итәргә кирәклегенә игътибарны көчәйтә. 2022 елда Русиядә туучылар санының суммар коэффициенты — 1,42гә тигез булган. Соңгы 30 елда максималь күрсәткечкә 2015 елда ирешелгән. Анда күрсәткеч 1,78 була. Шул ук вакытта халык санын саклап калу өчен бер хатын-кызга исәпләгәндә туучылар санының суммар коэффициенты 2,1 тирәсе булырга тиеш. Ә халык үсеше өчен — тагын да югарырак.
-
Язмабызга әйләнеп кайтып: Балалар сәнгать мәктәбенең эмблемасы яңадан туды
2023 ел- Милли мәдәниятләр һәм гореф-гадәтләр елы иде. Нәкъ тә шушы елда мәдәниятебезгә игътибар тагы да артты. Актаныш районы республикада «Татарстанның мәдәни башкаласы» конкурсында мактаулы I урынга лаек булды. Районыбызда мәдәният юнәлешен үстерүгә саллы өлеш кертүче Балалар сәнгать мәктәбе әлеге истәлекле елда үзләренең эмблемасын булдырды. Авторы- балалар сәнгать мәктәбенең рәсем сәнгате бүлеге остазы Айрат Сәрвәров. Эмблеманы укучылар игътибарына чыгаргач, бик күп фикер- тәкъдимнәр кабул иттек. Хәзер исә балалар сәнгать мәктәбенең яңа эмблемасы тагы да матур, камил. Афәрин, Айрат Изил улы!
-
«Йолдызлык-2024»: Бүген районыбыз укучылары фестивальнең сайлап алу турында чыгыш ясый
Әлфия Авзалова исемендәге район мәдәният сарае бүген сәхнә костюмнарын кигән яшь артистларның дәртле авазыннан гөрләп тора.
-
Такталачык мәктәбендә Гаилә елына старт бирделәр
«9 нчы февраль көнне мәктәбебездә Гаилә елына рәсми рәвештә старт бирелде», дип язалар безгә Такталачык төп белем бирү мәктәбеннән.
