Туры эфирда әңгәмә: Түке Сабан туендагы фаҗига кабатланмасын!

 Илдус Мәхиянович, бәйрәмдә нинди куркынычсызлык чаралары күрелергә тиеш?

Барыннан да элек, зыян китерергә сәләтле барлык конструкцияләр район дәүләт техник күзәтчелегендә теркәлергә тиеш. Бу 3 метрдан югары аттракционнарга да (РВ2 категориясе), түбәнрәк аттракционнарга да (РВ3 категориясе) кагыла. Безнең бүлек инспекторлары бәйрәм алдыннан аттракционнарны тикшереп чыгачак.

 Аеруча нәрсәгә игътибар итәргә кирәк?

 Конструкцияләрне, бигрәк тә батутларны, көчле җил вакытында очып китмәсен өчен, беркетүнең ышанычлылыгын тикшерергә кирәк. Шулай ук электрүткәргечнең торышын күзәтү мөһим — ул ябык һәм куркынычсыз булырга тиеш. Мәйданчыкларда квалификацияле персонал булу-тагын бер төп момент. Алар кирәк булганда ярдәм күрсәтергә әзер булырга тиеш.

 Аттракционнарда ата-аналарга үз балаларының иминлеген ничек тәэмин итәргә?

 Балаларны анда керткәнче, ата-аналар батутларның куркынычсызлыгына үзләре инанырга тиеш. Көчле җил исә икән, кабартылган конструкцияләрне кулланудан тыелып тору яхшырак. Шуны да истә тотарга кирәк, эсседә батут материалы бик нык җылынырга һәм баланың тән тиресенә зыян китерергә мөмкин. Кагыйдәләрне онытмагыз: батутта сикерү һәм сөңге ыргыту тыела, дистанцияне сакларга һәм аттракциондагы кешеләр саны билегеле бер күләмнән артып китмәсен.  

Аттракцион хуҗаларының һәм операторларының җаваплылыгы нинди?

Аттракцион хуҗалары һәм операторлар балаларның иминлеге өчен турыдан-туры җаваплы. Алар инструкцияләр бирергә һәм мәйданчыкта кагыйдәләрнең үтәлешен контрольдә тотарга тиеш. Кызганычка каршы, узган ел Түке авылы Сабантуенда бер инцидент килеп чыкты, бала олыларның саксызлыгы аркасында кулын сындырды. Бу барлык куркынычсызлык чараларын үтәүнең мөһимлеген ассызыклый.

 Авыл җирлекләрендәге Сабантуй мәйданында иминлек өчен кем җаваплы?

 Куркынычсызлык өчен авыл башлыгы җаваплы. Эшмәкәрләр аттракционнарны дәүләт теркәвен һәм куркынычсызлык тикшерүен узганнан соң гына урнаштыра ала. Авыл җирлеге башлыгы әлеге документларның тәртиптә икәнлеген күргәч кенә Сабантуй мәйданына керергә рөхсәт бирә.

Консультацияләр өчен сезнең бүлек белән ничек элемтәгә керергә мөмкин?

 Дәүләт техник күзәтчелеге бүлеге район авыл хуҗалыгы һәм азык-төлек идарәсе бинасында урнашкан. Без сорауларга җавап бирергә һәм эш вакытында 8 (85552) 3-13-16 номеры буенча консультация бирергә әзер.

 Әңгәмәбез ахырында сез әти-әниләргә тагын нәрсәләр әйтергә теләр идегез?

 Игътибарлы булыгыз! Балаларыгызны аттракционнарда күзәтегез, аларга куркынычсызлык кагыйдәләрен искә төшерегез һәм куркыныч гамәлләргә юл куймагыз. Сабантуй шатлык һәм күңелле тәэсирләр белән генә истә калсын!

ВК социаль челтәрендәге туры эфир әңгәмәсе. 

!